屯門 Party Room 都用 Apple Music 點歌？紅霞 Tasogare 點解同大陸機講byebye

00後店主整頓party room突破創新，打破傳統點歌模式。

我哋嘅一大特色：以Apple Music 取代老土點歌機

出面好多party room 都係用緊「InAxxxxx」依個大陸牌子嘅點歌機，佢已經算係點歌機入面嘅龍頭，但其實依啲點歌機問題多多，亦都成日唔夠歌，亦無更新。

作為00後Gen Z，出世就已活在網絡科技嘅世代，我哋一直思考緊「依家都202x啦，點解仲要用依部機，點先可以智能啲？」終於，我哋係2025年7月起，解答到依個問題。

小小故事，引發我哋思考嘅契機

我哋由2023年起成立，2024年已擴展成立「Maho Play Room」依到分享個故事。

由於我哋開張時大部分傢俬都係一手咁買新嘅，而當時大房「Maho Play Room」初開張一兩個月左右，有客人過嚟用房，並表達有啲不滿我哋嘅點歌機，直言「似我哋俾錢幫你哋down歌咁喎」。

從日常生活留意，擁抱新科技

以上嘅問題都只係冰山一角，仲有好多淋淋糝糝（音：林林審審 lam4 sam2）嘅問題：
- 水份勁高淘寶廣告宣稱有過幾萬首歌，實際上大部分都為根本無人聽嘅抖音dj歌。
- 大陸伺服器不穩定，成日有啲客用用下房表示下載唔到歌。
- 開機又勁慢。
- 下下都要等佢更新。
其實我哋喺上面個故仔發生之後，都一直遇到依啲問題，就一直喺度到思考緊：點先可以唔用依部垃圾嘢？
突然有一刻（已唔記得幾時了😂 望住自己部iPhone：係喎，用iPhone iPad Apple TV咪得囉

00後正式整頓部點歌機，我們得到了蘋果音樂在GTA6前🔥

2025年7月頭左右，我哋膽粗粗地真係買咗部Apple Tv 返嚟，再經過一段時間研究下，終於研究到。

仲好記得第一班客人體驗依個服務，叫佢哋盡量都唔好用部大陸機，試下跟住我哋教學去用Apple Tv，當初效果幾好（可能因為佢哋都係後生，自己亦都係用iPhone），之後一直努力改善整個system，亦都加入更多教學。而喺26年頭，大房「Maho Play Room」亦都引用此服務，正式同舊式大陸點歌機講byebye。

一張圖比較兩者分別！

世界在變，我哋亦都要變

好感謝你哋可以睇到嚟依到。面對不停轉變嘅世界，科技亦日益進步，為我哋生活帶嚟方便，點樣可以更智能的去享受我哋嘅生活/體驗？唯有不停打破傳統。

唔想畀舊有嘅嘢局限住？不如跳出嚟創新

Q: 我自己用緊Android 機喎，會唔會有影響㗎？
A: 完全放心，絕對唔會，我哋已有完善嘅設備，各種嘅教學，以及一個持續更新嘅系統。只係用iPhone嘅用戶會有更多體驗。

Q: 我自己使唔使訂閱咗咗Apple Music？俾咗錢？
A: 無需要，而如果閣下已有用開Apple Music嘅經驗，個體驗會更好。

想預約或者了解報價，歡迎WhatsApp查詢，我哋會盡快回覆你！