屯門 Party Room | 紅霞 Tasogare 全面介紹 | 霓虹工業風

紅霞 Tasogare 全面介紹

搵緊屯門 Party Room，但又唔想只係租一間房，入去坐幾個鐘、食吓嘢、玩吓電話就算？

紅霞 Tasogare 想做嘅，其實就係一個俾一班人可以真正留低玩、舒服咁玩嘅私人聚會空間。

我哋由00後店主自己一手一腳打造。由場地設計、設備，到一啲平時未必有人特別留意嘅細節，我哋都會由「如果我自己係客人，我會想要咩？」出發。因為我哋未開之前，都係其他房嘅常客。
所以你會見到紅霞有 Apple Music、100吋4K投影、Nintendo Switch、桌球、乒乓球、麻雀、吧枱等唔同玩法。
但對我哋嚟講，呢啲都只係一部分。

{#ff2f6d真正想做嘅，係成個 Party Room 體驗。}

以下就由品牌故事、位置、設計、音樂、設施，到我哋點解咁樣經營，完整介紹紅霞 Tasogare。

「紅霞」係咩意思？

紅霞，即係黃昏時夕陽西下，天邊映照出一排排緋紅色雲海。
對我哋嚟講，黃昏就好似一個過渡——日頭差唔多完，夜晚正式開始，而 Party Time 亦由呢一刻開始。
Tasogare（タソガレ）係日文「黃昏」嘅意思。
所以「紅霞 Tasogare」，其實就係我哋對呢個場地最初嘅想像：

由黃昏開始，慢慢進入屬於大家嘅歡樂時間。

00後 Gen Z 店主，點解會自己開 Party Room？

紅霞 Tasogare 自2023年成立，由00後店主自己一手一腳打造。
其實我哋以前自己都係 Party Room 客。
約朋友聚會、慶祝生日、玩通宵，慢慢就會開始發現，一間 Party Room 好唔好玩，未必只係睇佢有幾多設備。
有時反而係啲好細嘅位。
坐幾個鐘會唔會攰？搵歌方唔方便？食嘢嗰陣夠唔夠位？玩完一樣嘢之後，可唔可以好自然咁轉去第二樣？
所以當我哋自己開始做 Party Room，諗嘅一直都唔係：

「點樣塞最多設施入間房？」
而係：
「如果我自己 Book 一間 Party Room，我會想要一個點樣嘅體驗？」
紅霞就係由呢個問題一路做到今日。

屯門 Party Room 位置｜1–18人

紅霞 Tasogare 位於屯門恒威工業中心，由屯門站步行約3分鐘。
場地可容納1–18人，由幾個朋友小聚，到生日會、慶功宴、朋友聚會，都可以按人數同需要安排。
想先睇下場地實際環境，可以直接參考：
場地詳情
相片集

霓虹工業風 Party Room

成間紅霞走霓虹工業風路線。
霓虹燈、工業感裝潢，加上房內唔同區域，令生日會、朋友聚會或者純粹幾個人約埋玩，都有比較完整嘅空間感。
我哋唔係單純想做一間「影相靚」嘅 Party Room。
因為一場 Party Room 聚會通常都係幾個鐘，甚至玩到夜晚。
所以對我哋嚟講，環境除咗要靚之外，仲要令人願意留低。

坐得舒服、玩得自在、氣氛啱，先係一間 Party Room 真正需要處理嘅事。

點解紅霞由傳統點歌機，轉用 Apple Music？

呢個其實係我哋做 Party Room 做落之後，先真正體會到嘅一樣嘢。
因為講真，我哋以前都係用傳統點歌機。
所以唔係一開店就話：
「呢啲太老土，我哋唔用。」
反而係自己營運、自己接觸客人之後，我哋慢慢發現，原來「點歌」呢件事，本身已經會影響成個 Party Room 體驗。

搵歌方唔方便？新歌有冇？個介面易唔易用？開個機都咁耐浪費曬時間，幾個人一齊玩嗰陣，可唔可以自己控制？

呢啲平時睇落好細，但當一班人一留就幾個鐘，甚至玩到深夜，其實全部都會影響成個聚會。
所以我哋喺 2025年7月 做咗一次幾大嘅改變：

由傳統點歌機，全面轉用 Apple TV + Apple Music。

其實 Party Room 用呢種方式並唔算常見。
我哋唔係單純想將設備升級到「型啲」，而係覺得：

如果音樂（或者唱K）係成個聚會其中一部分，點解唔可以令播歌呢件事變得更加自然？

而家大家可以直接搜尋自己想聽嘅歌，用 iPad 或手機控制播放，再配合100吋4K投影，音樂、MV、玩樂同聚會本身可以更加自然咁連埋一齊。
如果你想知道我哋點解由傳統點歌機轉去 Apple Music，以及實際上改變咗啲咩，可以再睇呢篇：

屯門 Party Room 都用 Apple Music 點歌？紅霞 Tasogare 點解同大陸機講byebye

紅霞 Party Room 有咩玩？

我哋一直都唔想將紅霞變成一間「指定玩法」嘅 Party Room。
有人入嚟最想唱歌。有人想打機。有人想打桌球。有人想打麻雀。
亦有人其實最想做嘅，只係同幾個朋友坐低食嘢吹水。

所以我哋將唔同玩法放入同一個私人空間：

• Apple Music + 100吋4K投影機
• 麻雀枱
• 多功能枱：可打桌球、乒乓球
• Nintendo Switch
• 打卡吧枱＋調酒工具
• 雪櫃任飲、零食任食

最重要係——

你唔需要一開始就決定「今次一定要玩咩」。

一班人入場之後，可以一路食、一路吹水，突然打一局 Mario Kart，又可以轉頭播歌、睇片，再玩另一樣嘢。
呢種自由度，本身就係我哋理解嘅 Party Room。

一間 Party Room，真正影響體驗嘅係咩？

做到 Party Room 之後，我哋慢慢發現：
客人記得嘅未必係你有幾多樣設備。

反而可能係：
坐咗幾個鐘之後會唔會攰；玩嘢嘅時候順唔順手；設備係咪容易用；間房入場嗰刻係咪整齊；食嘢、吹水、玩遊戲之間轉換起上嚟順唔順。
所以我哋會花時間處理好多睇落好細嘅位。

例如座椅。
Party Room 唔係餐廳，大家唔會坐30分鐘就走。一坐可能係幾個鐘，甚至成晚。
所以我哋選擇咗可以滾動、調節角度，同適合長時間坐嘅電腦椅，而唔係純粹搵張基本椅就算。

我哋唔會話紅霞最大賣點係張櫈。

因為一張櫈唔會令一間 Party Room 變得特別。
但張櫈只係其中一個例子。
對我哋嚟講，所谓「用心」，本身就係由呢啲細位一樣一樣累積返嚟。
所以紅霞真正想提供嘅，唔係「最多設施」。

而係：
一班人入到嚟之後，可以舒服咁玩足幾個鐘嘅聚會體驗。

「Free你幾位」——我哋嘅定價哲學

紅霞一直主打「Free你幾位」。
同傳統「人多有折」唔同，我哋希望隨住人數增加，平均落到每位嘅成本可以更加低。

原因都好簡單：
Party Room 本身就係一班人一齊 Book。
既然係大家一齊玩，我哋就希望人多嗰陣，大家分開計落嚟會更加抵。
想睇最新收費，可以直接參考：
紅霞 Tasogare 價目表

紅霞適合咩場合？

如果你想搵一個可以俾自己一班人包場、自己安排時間同玩法嘅私人空間，紅霞比較適合以下場合：

🎂 生日會

吹蠟燭、食蛋糕、播歌、玩遊戲，一班朋友自己玩自己。

🎉 朋友聚會

唔想淨係坐餐廳食兩個鐘，可以有更多時間慢慢玩。

🏆 慶功宴／活動後聚會

食完飯之後繼續下一場，唱歌、打機、打波、吹水都得。

💃 閨蜜／朋友小聚

唔一定要有重大原因。

純粹幾個朋友想約埋玩，都可以。

💍 Pre-wedding 小型聚會

想搵一個有自己氣氛、又可以一班朋友留低傾偈玩樂嘅私人空間，都可以考慮紅霞。
場地最多可容納1–18人，實際安排可以按你哋今次聚會嘅人數同玩法再了解。

屯門 Party Room 常見問題

# 紅霞 Tasogare 喺邊度？

紅霞 Tasogare 位於屯門恒威工業中心，由屯門站步行約3分鐘。

# 紅霞最多可以幾多人？

場地可容納1–18人。

# 紅霞有咩設施？

場內有 Apple Music、100吋投影、麻雀枱、多功能桌球／乒乓球枱、Nintendo Switch、吧枱等不同派對設備。

# 紅霞可以點歌嗎？

可以。
紅霞由2025年7月開始全面轉用 Apple TV + Apple Music。
如果想了解點解我哋由傳統點歌機轉用 Apple Music，可以睇：

屯門 Party Room 都用 Apple Music 點歌？紅霞 Tasogare 點解同大陸機講byebye

# 可以用手機控制音樂嗎？

可以使用 iPad 或手機控制播放。

# 紅霞適合幾多人？

場地可容納1–18人。
由幾個朋友小聚，到生日會、慶功宴等，都可以按人數安排。

# 想睇紅霞實際環境可以去邊？

可以直接睇：

場地詳情

或者：

相片集

# 點樣預約紅霞 Tasogare？

可以直接 WhatsApp 我哋，提供日期、時間同大約人數，我哋會按情況幫你查詢。
想了解報價或者直接 Book 場，歡迎 WhatsApp 我哋！📱